الأحد، 27 فبراير 2011 | By: Unknown

الـــسحـــاب الأبــــيــــض الجزء الثالث

النهارده انا متغاظ منكم وطلعتوا صحيح عالم بخلاء

بقى يفصلوا عنى خدمة النت عشان نسيت ادفع الاشتراك ولا حد منكم يعمل مظاهرات

اواحتجاجات ولا تعتصموا فى التحرير ولا حد سأل وقال فينك يا ابو التوهان

طب بلاش دى الا ما حد فيكم قال نلم لسى تايه ونسدد عنه الاشتراك الشهرده

جرى ايه يا سى تايه بيه الا هى حسنة وانا سيدك والا ايه؟

اخرسى يا خنزاؤوره

مكانش العشم ....

عموما قعدة افلام الكارتون اليابانية هونت عنى شوية الم البعاد عن النت

اكيد عدت عليكم فى حياتكم حلقات كرتون حبتوها زى مازنجر

والا جريندايزر والا كوكى العجيب او ما شابه

الحلقات دى كلها انيمى يابانى مدبلج بالعربى انيمى دى اختصار ل (animation)

المهم

فى فترة الدراسة فى الاكاديمية كان لى اصدقاء من سلطنة عمان واهل عمان مشهورين بالطيبة

كان منهم زميل يعشق البلاي ستاشن والكارتون اليابان وهو كان السبب

فى انى ارجع اتفرج على كارتون يابانى مترجم للانجليزية

ايه علاقة ده بالحدوتة ورد فعل السحاب الابيض عليها ..!!!!؟

ما تلخص وتخش فى الموضوع وبلاش لت وعجن قرفتنا فى عشيتنا

طب قسمنا عظما على الحلال بالتلاتة لو ماسكتوا لانزل بفاصل ها ؟

قلتوا ايه ؟ بس ولا كلمة ولا نفس ولا حرف ... ليكوا عين تتكلموا

بس عشان خاطر الانسة الرقيقة الامورة اللى عنيها سهتانه دى ها كمل

وعدى يا وعدى J بونجورنوا سانيوريشه

معروف ان البنات بتحب قوى تسمع قصص رومانسية وحبشتكنات من دى

وعشان تعرف مدى رومانسية او واقعية البنت احكى لها حدوتة ورد فعلها هو اللى يبين

بيتر سألها اذا كانت حبت قبل كده قالت له لا ابدا

ردت على سؤاله بنفس السؤال

قالها ايوة وكعادة البنات كانت عايزة تسمع الحكاية

وبدأ بيتر الحكاية

كان خارج من قصة حب منتهية وكان مجروح

والحياة بلا معنى

وفى حفلة من حفلات الدبلوماسيين اتعرف على بنت السفير اليابانى فى امريكا

اثناء الاجازة السنوية اللى كان بيتر وعائلته بيقضوها فى امريكا

بنت جميلة رشيقة زى الفراشة ابتسامتها الساحرة لا تفارقها وعندها غمزات كمان J

لاحظت عليه الحزن قربت منه

وفتحت معاه حوار كان بسيط وهو ما كنش عايز يتكلم مع حد رايح كدة من غير نفس

وبشوية كلام دبلوماسى ابتدى يرد عليها

عنيه ماكنتش شيفاها

وعقله ماكنش فى الحفلة ولكن فى عالمه الحزين

لكن هى اتأثرت بحزنه البادى فى عنيه واصرت تقرب منه عشان يفتح قلبه

يومها اتكلموا شوية عن البلاد اللى زاروها وعادات الشعوب فيها

خرجتوا شوية من الموود وسألته اذا كان زار اليابان والا لا

قالها لا قالت له يبقى لازم تزورها. كمان اتكلموا عن الدراسة واحلام كل واحد منهم

وتبادلوا ارقام التليفونات وهو اصلا ماكنش مهتم ولا كان شايفها من الاساس

لكنها اتصلت بعد كام يوم وفكرته بنفسها

واتكلموا كتير وبقوا اصدقاء وخرجوا مع بعض

ابتديت عنيه تفتح وتشوف الانسانة دى

اتكلم كتير عن نفسه وكانت بتسمعه ومش بتتريق عليه زى اصدقائه

قلبه ابتدى ينبض من جديد بحب خايف انه ينكسر زى ما انكسر قبل كده

حاول يتجاهل المشاعر دى ومقدرش

وفى لحظة قالها انه مستعد يموت لاجلها ولكن مش مستعد يعيش بقلب تجرحه

يا تكون بتحبه ومش تقدر تعيش من غيره زى ما بيحبها يا اما ينتهوا عند الحد ده

قالت له ان اهتمامها به مش مجرد صداقه وانها زيه كمان مش تقدر تكتم مشاعرها

ولما جه ميعاد رجوعه وعائلته للقاهرة اتفقوا ان اول اجازة يتقابلوا فى اليابان

وبقوا على اتصال يومى

لحد اما فى يوم والدها كلمه وبلغه انها توفيت فى حادث تصادم

قعد فى غيبوبة اسبوعين

وقال للسحاب الابيض ان اكتر حاجة زودت الالامه انه مقدرش يشوفها لاخر مرة

طبعا هى اعتذرت انها فكرته بشيئ محزن زى ده

كمان بعت لها تتر النهاية لكارتون يابانى .. انا ادعيت طبعا ان حبيبه بيتر بعتتهوله

بصراحة التتر كان اغنية رومانسية جدا بالرغم انى ماكنتش فاهم منها حاجة

بس كانت تتحس

تعرفوا رد فعلها كان ايه

راحت قدمت فى كورس تعليم يابانى فى المركز الثقافى اليابانى

ده اللى عرفته منها بعد فترة بعد اما اكتشفت انى ولا امريكانى ولا حاجة

وهى اكتشفت ازاى

بصراحة دى قصة قمة قمة الغرابة

محصلتش ولا هاتحصل متهيألى

حاجات كتير فى الحقيقة اغرب من الخيال

يكفى ان القصة بتفاصيل مختلفة تحصل فعليا متسألوش ازاى لانى مش هاجاوب

خلينا مع السحاب الابيض احسن

اشوفكوا المرة الجاية على خير ان شاء الله

مستنى تعليقاتكم

13 التعليقات:

;كارولين فاروق يقول...

افلام كارتون ورمانسيه
وبنجورنو سينيوريشا
لا امل ابدا بسبب خفه دمك
نرجوا المزيد بعد ان دفعت الفاتوره
ولا تبخل بالمدونات الجميله خاصتك
والسلام ختام

Unknown يقول...

كارولين
تصدقى ساعات مش باخد بالى من المصطلحات اللى بكتبها
بجد ومن غير افلام كارتون يابانى ابتسمت لما حسيت انك ابتسمتى
ووسع من وش بيتر نورمان يا جدع انت وهى

هبة فاروق يقول...

دمك خفيف تاية وبوستاتك دايما بتعجبنى لانها بسيطة ودمها خفيف
وانا اقول تاية مختفى لية علشان بقى مدفعش فاتورة النت علينا يا سيدى الفاتورة بس كثر من بوستاتك
تحياتى لك

Unknown يقول...

متشكر يا هبة
وربنا يجعل بيت المحسنيين عمار
هتدفعى نقدا والا بشيك ؟

just dream يقول...

جمييل اوى البوست وعلى فكره مش انت لوحدك اللى بتحب الكارتون انا بحبه جدا سواء يابانى امريكانى انشاالله حتى هندى بس بجد بحس معاه احساس مختلف
وبجد مدونه جميله ودمها خفيف وحلو اووى الانشودات اللى موجوده بجد راائعه
اشكرك جدا على الزياره

أنــا يقول...

بص .. انا قريت السحاب الابيض التلات اجزاء ..
مبسوطه ان الصدفه جابتني لحد عندك هنا ..
وعاوزه اقولك بجد .. انت لذيذ اوي:)
بتمنالك السعاده:)
تحياتي:)

Unknown يقول...

قووول ياااارب اشكرك وميرسى لذوقك وكويس ان عندك نفس الهوايات ولو محتاجة مساعدة بخصوص الكارتون انا تحت امرك

انا انا اللى مبسوط انك اتبسطى فى المدونة

لكل اصدقائى القراء انا بعتذر عن انقطاعى الطويل وذلك لظروف خاصة وربنا ييسر وارجع اخنقوا بحواديتى النتية
وللتيسير عليكم ووصول البوستات اليكم بصورة سهلة ممكن لو عندكم حساب على الفيس بؤق تشتركوا فى اللينك الخاص بتابعونا على الفيس بؤق
ولو دونيين ممكن تشتركوا فى لينك المتابعين

Angel يقول...

Ankara
Antalya
istanbul
Ordu
izmir
43A06X

3213Rauf يقول...

ağrı
van
elazığ
adıyaman
bingöl
NWE

HyperspaceBardess يقول...

ığdır evden eve nakliyat
ağrı evden eve nakliyat
maraş evden eve nakliyat
diyarbakır evden eve nakliyat
şırnak evden eve nakliyat
JNL7RE

E7E66MitchellFBC6C يقول...

E2114
Çanakkale Lojistik
Etimesgut Parke Ustası
Yalova Lojistik
Uşak Lojistik
MEME Coin Hangi Borsada
Osmaniye Şehir İçi Nakliyat
Ünye Evden Eve Nakliyat
Ünye Çekici
Nevşehir Evden Eve Nakliyat

43343Wallace4A62B يقول...

E9DAC
binance %20 komisyon indirimi

06FF2Tianna9DC67 يقول...

50532
Youtube Abone Satın Al
Binance Neden Tercih Edilir
Mexc Borsası Kimin
Görüntülü Sohbet
Youtube Beğeni Satın Al
Coin Kazanma
Ort Coin Hangi Borsada
Bitcoin Hesap Açma
Binance Ne Kadar Komisyon Alıyor

إرسال تعليق