الاثنين، 29 أغسطس 2011 | By: Unknown

الـــعـــــــــــيــد فـــــــــرخــــــــة


اعزائى المعيدين

لا اللى بيعيدوا مش التانيين بتوع الجامعات ووضع الدماغ

رمضان عدى سريعا ولا البرق

ربنا يتقبل اعمالنا ويتجاوز عن هفواتنا

اعمالنا بتاعة الصلاة والصوم مش الاعمال الفنية

ما نصحصح شوية كدة مع بعض

انا شايف شوية شياطين مفكوكين بس لسه متعلم على قفاهم اهم هناك اهم

وله يا شيطان يا اهبل

اصل قررت انا اللى اوسوس لهم مش هما اللى يوسوسولى

كفاية عليهم شغل شقى بقالهم اكترمن 35 سنة لازم نريحهم شوية

ونبتدى احنا اللى نلعب لهم فى افكارهم

المهم عيد مبارك وسعيد عليكم ويا رب تبقى ايامنا اسعد

اما من ذكريات العيد اللى مش ممكن انساها

فى يوم من ذوات الايام قررنا انا وشلتى نصلى العيد فى الحسين

وقررنا اننا نسهر فى الحسين

المهم قعدنا للفجر وقولنا نقوم نصلى الفجرونكبر مع الناس ونصلى العيد ونروح

واذ بعربيات امن مركزى

وعساكر نازلين منها لابسين مدنى عادى

وعلى باب المسجد بيدخلوهم وبيرصصوهم جوه

اتارى اخونا المرحوم عاطف صدقى جاى يصلى العيد

يا زكى كان ساعتها عايش استوعب بقى

وعاطف صدقى للى محضرهوش كان رئيس وزراء مصر بس كان منشف زيت على الاخر

المهم رحنا عند الباب واذ الظابط اللى بيوجه العسكر بيصرخ فيهم وبيقول

اخلع جزمتك قبل ما تدخل الجامع يا عسكرى

-

واحد منا قال واضح انهم دفعة الكريسماس

التانى قال لا مش معقولة يكونوا مسيحيين

التالت قال يالا بينا نروح الظاهر القداس اتلغى

ومن ساعتها واحنا بنقول العيد فرخة

العيد فرخة ليه

عشان نتغذى كويس بعد اما خرجنا هفتانين من رمضان

فرختكم عيد

ســـــــــــــلام

7 التعليقات:

r يقول...

سبحان الله الخوف يعمل اكتر من كدا بالنسبه لعساكر
وتقدر تطبق دا على الى عملوه عساكر الشرطه العسكريه بردوا فى فض اعتصامات ثوار التحرير والجامع اللى بجواره
بينسوا كل شئ إلا الاوامر
ساعات بعذرهم لأن العقاب بيكون قاسى
ولكن عقاب ربنا أكبر ربنا يهدى
وكل سنه وأنت طيب

Unknown يقول...

كل سنة انت طيبة يا بسنت
الفكرة مش فكرة خوف
الامن المركزى كانوا بيختاروا له اغبى العناصر بعد
حادث سليمان خاطر الله يرحمة
وبعد حركة الامن المركزى فى 86 لما ولعوا فى شارع الهرم والمخلوع الله يلعنه موت لمنهم حوالى 7 الالاف عسكرى امن مركزى غير ما ساب اليهود يخلصوا على سليمان خاطر الله يرحمه

الغاردينيا يقول...

خلص العيد بالنسبة لي بعد صلاة العيد مباشرة :)
جعل الله كل ايامك اعياد
و بالطبع سيحتاج الامر وقت حتى تتخلص مصر من نظام
الحكم السابق كليا !

تحية :)

كنت هنا ,

فشكووول يقول...

السلام عليكم
كل عام وانت بخير
بس الله يخليك بلاش عيد مبارك ده .. هو خد كل حاجه ومابقاش الا العيد عشان يبقى مبارك كمان
خليها عيد سعيد وكل عام وانت والجميع بخير
هذه مدونه جديده ارجو ان تنال رعايتكم
تحياتى

محمد عبد التواب يقول...

عام سعيد على كل الامة العربية وكل عام وانتم بخير ...

serdar يقول...

pusulabet
sex hattı
https://izmirkizlari.com
rulet siteleri
rexbet
B4YC

defne يقول...

https://saglamproxy.com
metin2 proxy
proxy satın al
knight online proxy
mobil proxy satın al
34GJ4

إرسال تعليق